× Сабақтар Хабарландыру тақтасы Кіру Қазақша-ағылшынша сөздік Ағылшынша-қазақша сөздік Пәндер Тіркелу

Бірқалыпты қозғалыс, бірқалыпты емес қозғалыс

Бірқалыпты қозғалыс дегеніміз дененің бірдей уақыт аралықтарында бірдей арақашықтық жүруі. Мысалы жеңіл көлік автострадада сағатына 60 километр жол жүріп тұрса, онда екі сағатта 120 км, үш сағатта 180 км, төрт сағатта 240 км жол жүреді. Бірқалыпты қозғалыс дегеніміз осы. Дене бірдей уақыт аралықтарында бірдей арақашықтықты өтеді.

Бірқалыпты қозғалыс

Табиғаттағы бірқалыпты қозғалыс мысалына жарық жылдамдығын келтіре аламыз. Жарық жылдамдығы ғарыштағы бос кеңістікте жуықтап алғанда бір секундта 300 000 км арақашықтықты өтеді. Бұл қозғалыс бірқалыпты, тұрақты.

Бірқалыпты емес қозғалыс

Дененің бірқалыпты емес қозғалысы дегеніміз дененің бірдей уақыт аралықтарында әртүрлі арақашықтықтың өтілуі. Мысалы қаладағы көліктердің қозғалысы бірқалыпты емес. Бағдаршамда жасыл жанса көліктер шапшан қозғалады, бағдаршамда қызыл жанса тоқтайды.

Немесе сіздің дене шынықтыру сабақтарындағы жүгіруіңіз бірқалыпты емес. Жатықтырушы футбол аланың 5 рет айналып шығыңыз десе. Бастапқыда тез жүгіресіз, соңында күшініз біте бастағаннан кейін бәсендей бересіз, тіпті қозғала алмайтың уақыттарыңыз да болған шығар. Бірқалыпты емес қозғалыс дегеніміз осы.

Пән: Физика